«Шетел тілі пәнін оқытудағы инновациялық әдістерді қолдану арқылы білім сапасын арттыру»

2025 жылдың 8 сәуір күні 19 орта мектебінде қалалық деңгейде әдістемелік семинар-практикум өтті. Іс-шара «Шетел тілі пәнін оқытудағы инновациялық әдістерді қолдану арқылы білім сапасын арттыру» тақырыбында ұйымдастырылды.

Семинардың негізгі мақсаты – шетел тілі пәнін оқыту үдерісінде инновациялық әдістерді тиімді қолдана отырып, білім беру сапасын арттырудың жолдарын талқылау және тәжірибе алмасу. Іс-шара барысында қатысушылар қазіргі заман талаптарына сай әдістемелермен, оқытудың заманауи технологияларымен танысты. Сонымен қатар, семинарда мұғалімдер өз тәжірибелерін ортаға салып, тиімді оқыту жолдары жайлы пікір алмасты.

Семинарға  қалалық білім бөлімінің  әдіскері  Пирназарова Гүлжан Ганиевна  және   қала мектептерінің 21-ағылшын тілі пәнінің мұғалімдері семинарға қатысып  тәжірибе алмасты.

Семинар  барысында Бегаева Елмира Жумашевна , Оразалиева Жанар Жуманбековна , Жұманова Қарлығаш Сұлтанқызы, Қырғызбаева Бота Жұмабайқызы ашық  және сыныптан тыс сабақтар өткізді.

Мектебіздің педагог-психологтары Ташмұратова Нұрғайша Әбдешқызы,Сметова Айжан Аязбекқызы «Ұжымдық, достық, әріптестік»  тақырыбында  семинарға келген мұғалімдермен тренинг өткізді.

Семинар нәтижесінде шетел тілі мұғалімдеріне білім беру сапасын арттыру мақсатында жаңа идеялар мен әдіс-тәсілдер ұсынылды.