Тәрбиелік іс-шаралар
Тараз қаласы әкімдігінің білім бөлімінің №19 орта мектебінде
2018-2019 оқу жылындағы тәрбие жұмысы туралы
2018-2019 оқу жылына арналған Қазақстан Республикасы Білім және ғылым министрінің 2015 жылдың «22» сәуірдегі №227 бұйрығы бойынша мектептің тәрбие жұмысының жоспары жасалынды.Жылдық жоспарда оқушы құзыреттілігін арттырудағы қаралған барлық бағыттар қамтылған.
2018-2019 оқу жылында Мемлекет басшысы Н.Ә.Назарбаев «Болашаққа бағдар: рухани жаңғыру» мақаласында қоғамдық сананы жаңғыртудың басты шарттарының бірі іргелі негізі патриотизм болып табылатын өзіндік ұлттық мәдени-генетикалық кодты сақтау екендігін атап өтті. Бұл орайда, мектепте осыған сәйкес 1 қыркүйек Білім күніне арнап ұйымдастырылатын «Адам капиталын дамыту факторларындағы тәрбие жүйесінің рөлі!» Білім сабағы 1-11 сыныптар бойынша өткізілді.
Барлығы 796 оқушы қамтылды.
Сабақтың мақсаты-қоғамда өздерін көрсете және өз еліне пайдалы бола алатын, Жаңа Қазақстандық патриотизмнің құндылықтары мен мұраттары жүйесін иеленетін білім алушы-патриот тәрбиелеу , Отанды сүюге, өз елін, тарихын білуге, жалпыадамзаттық құндылықтар мен терең көзқарасты сіңіру арқылы таным белсенділіктерін арттыруға бағыттау.
«Адам капиталын дамыту факторларындағы тәрбие жүйесінің рөлі!» тақырыбы бойынша білім сабағының тұжырымдамалық идеясы қоғам мүддесінде азаматтық, әлеуметтік әрекеттерге дайындықты қамтамасыз ететін өскелең ұрпақты патриотизмге тәрбиелеудің қажеттілігі идеясы болып табылады.
Салтанатты жиынға ата-аналар комитетінің төрайымы Мулин Наргиза қатысып,ұстаздарды, оқушыларды Білім күнімен білім күнімен құттықтап,
1 сынып оқушыларына өз тілектерін білдірді.
Сондай-ақ 9 «Ә» сыныбында « Рухани жаңғыру-Елорданың еңселі елестері!» тақырыбы ашық тәрбие сағатын АКТ пайдалана отырып,оқушыларды топтастыру арқылы ,жаңа технология әдістерін пайдалана отырып мектеп директоры Айтбекова Мария Үрзатқұлқызы өткізді.
№ 1 кабинет ( сынып жетекшісі Қалназарова Г ) -8 «А» сыныбында ашық тәрбие сағатын өткізді.
№1 кабинет (сынып жетекшісі Жумадилова Д.А.)-4 А сыныбында мултимедиялық тақтаны пайдалана отырып өткізді.
«Абайла,балалар !» жолда жүру ережесін сақтау және жол-көлік жарақатының алдын алу бойынша айлық өткізілді.Барлық сынып оқушылары нұсқаулықпен таныстырылып, 1 сынып оқушыларымен «Жолда жүру ережесін білеміз бе?» атты ойын өткізілді. «Қауіпсіз маршрут» балалардың үйден мектепке, мектептен үйге қайтудың сызбасы сызылып әр сынып бұрышына ілінді.
Мектепішілік,сыныптық ата-аналар жиналысытары және құқық бұзшылықтың алдын алу мақсатында мектеп инспекторы Б.Кеңес қатысуымен түсіндірме жұмыстары жүргізілді.
